بطولة "تعلم كيف تتعلم" برعاية ريكسونا. الخرائط الذهنية كأداة للتعلُّم الخريطة الذهنية هي وسيلة للتعبير عن افكارك وخططك بدل الاكتفاء بالكتابة فقط في الخرائط الذهنية بنستخدم الالوان والصور والفروع في التعبير عن افكارنا وبنعتمد فيها علي الذاكرة البصرية وتبقي شايف كل خطتك بسهولة قدام عينك لو شوفنا الخلايا العصبية في دماغنا هنلاقيها بتتكون من خلايا وبيخرج منها تفرعات كالاشجار موصلة الخلايا ببعضها هو ده بالظبط اسلوب عقلنا في التفكير وأسلوب الخرائط الذهنية تعالو نشوف ممكن نستخدم الخرائط دي ازاي بما اننا لسه عارفين عن مسابقة نفهم اللي برعاية ريكسونا قبل انتهاء موعد المسابقة بيومين فكررنا نعمل الفيديو ده بالخريطة الذهنية عشان ننجز في الوقت ونشوف هنقدر نقدم الفيديو ولا مش هنلحق :) يلا بينا …. مبدأيا هنكتب محور الموضوع بتعنا اللي هو فيديو عن الخرائط الذهنية وهنحطه كده في النص ونرسم حواليه دايره او خليه زي متحب ونلونه ونرسم صوره جنبه ترمز للفيديو وهنطلع من الدايره دي بافكار للفيديو بتاعنا عشان نقدر نعمله هنطلع اول فكره وهي التصوير ونرسم كاميرا وبعدين هنطلع بتاني فكره فيديو كرتون بيشرح الفكره وهنرسم جمبيه كراكتر تالت فكرة هيبقي فيديو مونتاج وهنرسم جنبيه حاجة بتدل علي المونتاج ورابع فكره فيديو موشن جرافيك دلوقتي عندنا ٤ افكار للفيديو هنطلع من كل فكره الادوات اللي هنستخدمها عشان نعرف كل فكره ممكن تاخد مننا وقت قد ايه فالتتنفذ عشان نلحق وقت المسابقة لو جينا نشوف اول فكره محتاجين مكان للتصوير او استوديو كروما لو مكان للتصوير هنبقي محتاجين ديكور وكاميرا واضاءة ومايك لو استوديو هنحتاج نحجز استوديو هنيجي لتاني فكره فيديو الكرتون هنعمل استوري بورد ونسجل صوت ونرسم وهنعمل انيمشن فيديو المونتاج هنكتب اسكريبت و نسجل صوت ونجيب صور ونعملها انيمشن واخر فكره الموشن جرافيك هنسجل الصوت و نرسم و نعمل الانيمشن و الفيجوال ايفيكت بعد ما الخريطة وضحت قدامنا هنقدر نحدد كل حاجة هتاخد منا وقت قد ايه نشوف اول فكره هنلاقيها هتحتاج وقت من ٣ لي ٤ ايام واحنا قدامنا يومين تاني فكره هتحتاج من ٤ لي ٦ ايام وبرضه احنا قدامنا يومين تالت فكره المونتاج وده هياخد مننا يوم رابع فكره هتاخد مننا يومين يعني يدوبك نلحق :) وبكده قدامنا الخريطة كامله و المفروض نختار هنعمل ايه ومع ان فكرة فيديو المونتاج اسرع بس مش اجمل فاخترنا رابع فكرة فيديو الموشن جرافيك يلا مستنين من كل واحد فيكم يرسم خريطة لحاجة عايز ينفذها ويبعتلنا اللينك بتعها تحت الفيديو ولو حد وقف معاه حاجة يقدر يراسلنا واحنا هنساعده دول ٣ برامج مجانية بيساعدوك تعمل الخريطة الذهنية بالتوفيق سلام

:Die Zusammenfassung bearbeitet von Mohamed Botshe