في سؤال بيتكرر كتير وهو:
ازاي اكون طالب دحيح؟! انا فكرت كتير ف السؤال ده وتابعت الدحيحه بيعملوا ايه وايه نظام يومهم لقيت الموضوع بسيط جدا الحكايه كلها ان مفيش حاجه اسمها خايب وشاطر بس اسمها طالب مهتم وعنده هدف وبيراعي تعب اهله وطالب مش ف باله حاجه كل اللي عاوزه لعب وهزار وتضيع وقت الدحيحه يا جماعه مش زي ما بنتخيل انهم مش بيقارقوا الكتاب بالعكس دول ناس طبيعين جدا بس يومهم مترتب كل حاجه بوقت يعني الفون بيكون وقت محدد والمذاكرة وقت محدد واما بيذاكروا بيركزوا ف كل كلمه مكتوبه ودايما بيحلوا وبيسألوا لان عندهم هدف......
جرب تنظم وقتك واما تذاكر ذاكر بجد مش تلعب واكتب هدفك ف اوضتك وكتبك بحيث يكون ادامك دايما واهم حاجه افتكر الناس اللي بيتعبوا علشانك......
***********************
اللي موافق كلامي يقولي واللي مش موافق يقول برضو كلنا اخوات(: تحيه مني:ياسمين إبراهيم #
لاتوجد تعليقات