السيد ممدوح السيد أحمد

مساهم بتعليم حر

تعلم

14094الترتيب

0نقاط

0الميداليات

مساهمة

1الترتيب

25نقاط

0الميداليات

هنبدأ بشرح a - an
في البداية أكيد كلنا عارفين ان الأسماء في اللغة الإنجليزية بتكون
- أسماء مفردة : cat - car - man - boy - apple
- أسماء جمع : cats - cars - men - boys
- أسماء غير معدودة : water - sand
تمام؟
بستخدم a و an قبل الأسماء المفردة .. بس ..
وبس دي تفهمني اني مينفعش أستخدمهم مع أي نوع تاني من اللي فوق دول لا الجمع ولا الغير معدود
تمام؟
طيب عرفنا اني بستخدمهم هما الاتنين مع المفرد ايه الفرق بينهم بقي

او امتي استخدم a وامتي استخدم an ؟؟
---------------------------------------
عشان نعرف الفرق بينهم محتاجين اننا نعرف او نفتكر ان الحروف الانجليزية نوعين
- حروف متحركة
- حروف ساكنة
الحروف المتحركة دي (a - e - i - o - u )
الحروف الساكنة باقي الحروف
لازم تكون حافظ الحروف المتحركة وعارفهم علي طول .. عشان هتستخدمهم في اللغة كتير علي مدار حياتك واستخدامك للإنجليزية فلازم نعرفهم كويس
وعشان نسهل علي نفسنا حفظهم ممكن نحفظهم في كلمة آيووه aeiou 
تمام؟
يا عم انت بتدوشني ليه ؟ وبتدخلني في حوارات تانية ليه؟
انا عايز اعرف امتي استخدم a وامتي استخدم an؟؟
مانا هقولك اهو يا سيدي
انا بعرفك الحروف الساكنة والمتحركة
عشان اي كلمة مفرد تبدأ بحرف ساكن .. هستخدم معاها a
a car - a boy - a man
اما أي كلمة مفرد تبدأ بحرف متحرك هستخدم معاها an
an apple - an umbrella 
--------
يبقي خلاصة الكلام
الاسامي عندي مفرد وجمع
بستخدم a -an مع المفرد
بستخدم a مع المفرد الذي يبدأ بحرف ساكن
بستخدم an مع المفرد الذي يبدأ بحرف متحرك (a-e-i-o-u)
---------
أمثلة لزيادة تأكيد المعلومة
نبدأ ب an
I’m an English teacher —————- أنا مدرس إنجليزي .
تفضل برتقالة . ————– Here’s an orange
؟ Have you got an umbrella ———- هل لديك شمسية ؟
بريطانيا جزيرة . Britain is an island..
أمثلة علي a
إنها هدية . It’s a present
إنه يوم جميل . It’s a lovely day
هل أنت طبيب ؟ Are you a doctor
I have got a daughter and two sons
أنا عندي بنت وولدين .
..
اتمني تكون وضحت لو في أي استفسار آخر أسأل وانا هساعدك

ضحل - أو - سطحي

ببساطة عن طريق شرح ما تفهمه من الصور .. هذا المبدأ الأساسي للإجابة
طريقة الإجابة نفسها تكون عن طريق
- الإطلاع علي القصة بشكل كامل ( يعني أبص علي القصة كلها الأول قبل ما أبدأ في كتابة أي شئ عشان أعرف الفكرة الرئيسية للقصة القصة بتتكلم عن مين وعن ايه؟)
- تحديد شخصيات القصة ( يعني أعرف القصة فيها كام شخصية من خلال الصور دا فيها شخصين أو 3 أشخاص لا دا فيها شخص واحد و معاه الحيوان الأليف بتاعه وهكذا)
- تحديد مهمة كل شخص من خلال الصور (يعني اعرف كل واحد دوره ايه في شخص صورته هتكون ظاهرة في كل الصور دا هيكون بطل القصة .. طيب في شخص هيكون لابس لبس عامل نظافة دا عامل النظافة - شخص هيكون بيبع فاكهة دا بائع الفاكهة وهكذا تمام؟)
- استخدام الخيال لدمج العناصر السابقة وترجمتها لقصة مكتوبة
(يعني أبتدي بقي أحط جزء من الخيال بتاعي يعني عندي شخصين أدي لكل شخص فيهم أسم من دماغي لو مش متوافر أسماء ليهم في القصة أسميهم أنا .. وبعد كده أبتدي أترجم كل الصور زي ما قولنا هبص علي الصورة وأكتب من دماغي
صورة ولد واقف قصاد سوبر ماركت مثلا .. هقول فيها ايه؟
في صباح يوم الأحد ذهب أحمد إلي السوبر ماركت لشراء ما تحتاج إليه والدته من مستلزمات منزلية كانت قد أخبرته بها
طيب انا عرفت منين انها والدته؟ هتلاقي في بعدها بكام صورة أحمد شايل كيس وموديه لوالدته عشان كده قولتلك لازم نطلع علي القصة بالكامل في الأول قبل كتابة أي شئ
تمام كده؟
اتمني تكون الإجابة مفيدة وواضحة ووصلتلك المعلومة
ولأي استفسار أنا موجود

أولا سيبك من الإمتحان اللي قرب دا دي اول خطوة
مش سيبك منه يعني اهمله .. لا يعني متذاكرش عشان خاطر الامتحان وبس لأن المذاكرة عشان تخش تمتحن وخلاص شكرا متنفعش مع الانجليزي
ليه؟
لان الإنجليزي دا شئ أساسي ومهم جدا في حياتك اللي جاية إن شاء الله
فا أول حاجة حضرتك تعملها انك تحب الإنجليزي وتقتنع انه حاجة أساسية في حياتك وصدقني لو أسست نفسك دلوقتي كويس في الإنجليزي هيفرق معاك جدا مش فالدراسة بس لا في حياتك كلها بكل نواحيها شغل ومستقبل وكل حاجة .. ماشي؟
أنا بقولك الكلام دا نصيحة من أخ وإن شاء الله هتعرفها وتفتكرني مع الوقت
ثانيا
تذاكر انجليزي ازاى؟
عشان اقولك السؤال دا بطريقة صحيحة
حضرتك قولي ايه اللي واقف معاك بالظبط عشان نحدد
لو حضرتك واقف برا الانجليزي يعني مذاكرتوش خالص وبتقول صعب ومش عارف اذاكره
بص لو جبتلك كل الطرق اللي فالكون مش هتفرق معاك
اول خطوة انك تدخل في المادة وتشوف انت ايه اللي مش فاهمه او مش عارف تمشي فيه وتحدده
وبعدها بقي نشوف هنمشي فيه ازاى
ربنا يوفقك

شركاء النجاح

جوائز عديدة ودعم وتقدير من أفضل المؤسسات العالمية في مجال التعليم وعالم الأعمال والتأثير الإجتماعي

حمل تطبيق نفهم وتصفح أسرع