الخرائط الذهنية كأداة للتعلم الطريقة دي بتعالج مشكلة المعلومات المجردة و بدل ما تاخد كل معلومة كحاجة منفصلة ، بتحاول تربط بين المعلومات وبعضها و تكتبها في شكل مرتب تقدر تشوفه بعينك و تستخدم أشكال هندسية و أسهم عشان تربط عناصر الموضوع ببعضها ده غير إنها بتركز على حشد الأفكار و تجميعها يعني باختصار بتستخدم الأفكار والمخططات مع الرسومات و الألوان بدلا من الاقتصار على الكلمات فقط عشان تعبر عن أفكارك و تنظم مذاكرتك .. و أكيد ده هيسهل عليك المراجعة و إسترجاع المعلومة سواء في الامتحان أو طول حياتك ... فوائد الخرائط الذهنية بتعطي رؤية كاملة و تساعد على حل المشكلات تساعد على تخطط و تنظم نفسك كويس علي الورق افكارك تبقي واضحة و محددة بتساعدك تربط افكارك ببعضها بتوفر وقت عليك في المذاكرة والخريطة الذهنية بتشبه لحد كبير الخلية العصبية اللي بتتشارك و تتداخل عشان تكون إدراكك و ده بيعكس قد ايه الخريطة الذهنية مهمة ومفيدة لك و لنظامك زي الخلية العصبية بالضبط لعقلك و جسمك... او زي شبكة الطرق اللي بتجمع كل أجزاء المدينة ببعض .. طب ازاي نرسم خريطة ذهنية ؟ محتاجين ورقة فاضية، أقلام تلوين ، عقلك ، خيالك و ذهن صافي وبس كدا يلا نرسم اول حاجة تختار صورة تعبر عن الفكرة الاساسية او الموضوع الاساسي .. ابدأ اكتب كل فكرة في جنب من جوانب الصفحة بلون مختلف و خلي لكل لون دلالة مرتبطة بالفكرة اربط الفروع دي بالفكرة الاساسية اللي في المركز و خلي الفروع مموجة و حركتها انسيابية بلاش المسطرة بس لو حابب المسطرة فانت و راحتك :D حط عنوان رئيسي لكل فرع من الفروع لون و لون تاني و لون كتير، ارسم في كل جزء رسمة تفكرك بيه ، خلي شكل الخريطة جذاب و مميز و مريح لعقلك .. نظم حياتك بئا و خلي الخرايط الذهنية بعد كده أسلوب حياة مش مذاكرة بس .. * أحد أفضل مواقع الخرائط الذهنية لمن أراد الاطلاع : http://www.mindmapping.com/

:ملخص للدرس من اعداد Muhammad Ali Khalaf