بعد ما عرفنا يعنى اية علم ويعنى اية تعلم فى الفيديو اللى فات , هنتكلم انهارده عن انواع المتعلمين وصفات كل واحد فيهم بحيث تقدر تحدد انت انى نوع منهم وعلى اساس كده تبدء تشوف انسب الطرق لتعليمك . بس قبل مانبدء نقول انواع المتعلمين , هنقول المراحل اللى بيمر بيها اى متعلم مهما كان نوعه من الانواع اللى هنقولها . الشخص المتعلم بيمر باربع مراحل: المرحلة الاولى بيكون فيها المتعلم مش عارف اى حاجة عن الحاجة اللى هيتعلمها ومعندوش اى خبرة فيها وهيبدء لسه يسمع او يقرا عنها وتيجى فى دماغة فكرة انو يتعلمها . فى المرحلة الثانية : بتبدء الفكرة فى الدخول فى عقل المتعلم ويحس انو عنده فضول او اهتمام انو يتعلمها . فى المرحلة التالتة: الاهتمام بيزيد والمتعلم بيشوف انو لازم ياخد خطوة عن طريق حاجة معينة او باستخدام وسائل فعالة واللى هنذكر منها فى فيديوهات جاية , وبيكون المتعلم قدر يلم معلومات كافية عن الفكرة , تقدر تاهلة للمرحلة الرابعة . فى المرحلة الرابعة : المتعلم بيبدء يكون متخصص فى المجال اللى بيتعلمه وبيحس انو بدء يبقى عنده ملكه فيه . المراحل الاربعة اللى ذكرتها دى بيمر بيها اى متعلم . نيجى بقى لنوع المتعلم ده : المتعلمين بيتصنفو لتلت انواع ولازم اى متعلم يكون عارف هو انى نوع من المتعلمين عشان يقدر يوصل لهدفه بشكل أسرع . طب ايه هما بقى التلت انواع دول ؟ 1- متعلم بصرى 2- سمعى 3- حركى ... لو جينا نتكلم على النوع الاول وهو المتعلم البصرى هنلاقى ان هو شخص بيتعلم اسرع وبشكل احسن عن طريق الصور والقيديو . او مثلا انو يستخدم حاجة زى الخرائط الذهنية واللى هنتكلم عنها فى فيديو جاى ان شاء الله. النوع التانى ( المتعلم السمعى ): وده بيكون واحد بيحصل معلومات اكتر وبشكل احسن عن طريق الوسائل السمعية وده ممكن انو يستخدم ال Recorder فى انو يلخص دروسه او انو يقراه ويسجل لنفسه او ياخد ملاحظات صوتية . نيجى للنوع التالت وهو المتعلم الحركى: وهو شخص دائم الحركة تلاقيه دايماً نشيط وبيحب يمشى او يتحرك وهو بيذاكر او بيعمل اى حاجة وبيستخدم لغة الجسد فى اكتر الحاجات اللى بيعملها وده الافضل لية انو ميقعدش وهو بيذاكر ويستخدم Sticky notes او flash cards على اساس حاجة فيها حركة يقدر يستوعبها بشكل أحسن . كده عرفنا المراحل اللى بيمر بيها المتعلم وانواع المتعلمين فى الفيديو الجاى ان شاء الله اللى هيكون شيق جداً هنتكلم عن المخ والعقل البشرى وازاى عملية التعلم بتحصل فيه.

:Die Zusammenfassung bearbeitet von mahmoudkamal