يوسف زي كتير مننا بيقضي وقت كتير على الانترنت سواء ع اللاب توب أو الموبايل أو التابلت. وليه لا وهي طريقة مريحة وسريعة بيتواصل بيها مع أخته ياسمينا اللي مسافرة ألمانيا بتشتغل في شركة IT كبيرة هناك ، وبيخلص من عليه tasks الشغل وبيستقبل e-mails من مستر هاني مديره في الشركة ، وكمان بيتابع صحابه محمد وعلي ودرش على الفيس بوك وتويتر وانستجرام وهو في أي مكان وفي أي وقت. وفي يوم من الأيام حصل للاب توب حاجة غريبة ونوافذ ورسائل بتظهر فجأة لوحدها وتغيير في إعدادات اللاب توب وكمان بئا بطئ جدا. اتفزع يوسف لما عرف إن فيه فلوس كمان اتسحبت من حسابه في البنك من غير ما يعرف عنها حاجة. كلم أخته ياسمين بسرعة وقالتله إن دا بسبب فيروس نزل للاب توب بتاعه ودا ممكن يكون نتيجة الملف المرفق بالإيميل اللي كان فيه محتوى غريب وهو افتكر إنه منها، أو مرة من المرات اللي بيغلبه فضوله ويدخل المواقع اللي بتقول هتكسب 500 دولار في الساعة بمجرد ما تشترك، أو ممكن من الفلاشة اللي بيستخدمها وبيكون مستعجل وميعملهاش سكان. اتخض يوسف وقالها: طب اعمل ايه دلوقتي ؟!! قالتله لازم تكلم البنك وتلغي أي تعاملات ممكن تتم عن طريق حسابك، وبعدها تروح لأقرب مركز صيانة كمبيوتر وتخليه يمسح الفيروس ومتستخدمش اللاب توب إلا لما تتأكد انه اتمسح، ولازم تنزل أحدث إصدارات برامج الanti-virus وتعملها Update على طول، وخلي الpassword بتاعك معقد واستخدم فيه حروف captial, small وأرقام ورموز، وكمان لازم تعمل scan لأن USB قبل ما تفتحه على جهازك، ومتفتحش أي موقع أو لينك أو إيميل أو إعلان مشكوك فيه حتى لو أنت عارف اللي بعتهولك وامسحه فورا! وبكده تقدر تتمتع بوجودك على الانترنت بدون ما جهازك يخترق أو ينزله فيرس.

:Die Zusammenfassung bearbeitet von آلاء محسن