من إعداد : ال مساهم

Islam Taha تابع

كل يوم وانت رايح المدرسة بتكون عارف الطريق ومش محتاج تفكر فيه , عينك بترمش لوحدها من غير ما تفكر , طب ليه بنفرح أو نزعل أو حتي نخاف عقلك هو المسئول عن كل ده وهو اللي بتحكم في كل شيء في جسمك حتي وانت نايم لو جيت تلعب كورة مثلا هتفتكر أن أهم جزء في جسمك هو رجلك , لكن في الحقيقة أهم جزء هو عقلك لأن كل حاجه بتفكر فيها بتحصل فيه الاول وبعد كده بتتنفذ زي لو جيت تحل مسأله رياضيه أو تتكلم أو ترسم صورة أو تلعب كورة زي ما قولنا. العقل في جسمك زي الرئيس , وبيتحكم في مجموعه كبيرة من الخلايا اسمها الخلايا العصبية , أكتر من حوالي 100 بليون منها والرسايل بين المخ والجسم بتتنقل من خلالها كل خلية عصبية من دول عندها فروع صغيرة بتتواصل بيها مع الخلايا التانيه لما بتتعلم شيء , فيه رسايل أو إشارات كهربية بتتنقل ما بين الخلايا العصبيه دي والعقل بيقوم بعمل التوصيلات بين الخلايا لغايه لما تصبح الأشياء أسهل علينا في فعلها. فاكر أول مره اتعلمت فيها سواقة العجلة , عقلك كان مشغول بحاجات كتير في نفس الوقت زي التبديل وأنك تحافظ علي توازنك وتتحكم في الجادون وتشوف الطريق وتفرمل كل ده مره واحده كانت في البداية صعبة وبعد كده اتعلمتها وبقيت تسوق دلوقتي بسهوله ايه اللي حصل!! في بداية تعلمك , الخلية العصبيه قعدت ترسل إشارات وتستقبل من غيرها لغايه لما اتكون اتصال بين الخلايا دي في عقلك وبقيت تعملها بسهوله من غير ما تفكر عشان كده كل لما استخدمت عقلك كل ما الوصلات دي بتتكون وبتتعلم أكتر. العقل بردوا مسئول عن مشاعرك زي السعادة والحزن والقلق ومشاعرنا لها تأثير كبير علي تعلمنا لو أنت قلقان او مضغوط ده هيخلي من الصعب التعلم , لأن عقلك مبرمج لإطلاق مركبات كيميائيه مثل الادرينالين في جسمك في الحالات دي المركبات الكيمائيه دي بتغير بسرعه تفكيرك ومشاعرك وتصرفاتك وده هيخلي من الصعب التفكير كويس أو استقبال المعلومات الجديدة عشان تزود من قدرة عقلك علي التفكير , العقل بيحتاج الماء لتكوين الوصلات بين الخلايا العصبيه وبيحتاج إلي الأكل الصحي من الفواكه والخضروات عشان بشتغل بكفاءه وكما المحافظه علي أن تاخذ كفايتك من النوم وعشان تخلي عقلك نشط دايما , شغله كل ما تستخدم عقلك كل ما كان أكتر كفاءه وعشان تشغل عقلك اتحدي نفسك بالقراءه أو الرسم أو حل الــpuzzles

:ملخص للدرس من اعداد Islam Taha

طرق أخرى لشرح الموضوع

من إعداد:

إبراهيم فاروق

من إعداد:

Muhammad Ali Khalaf

من إعداد:

هيثم

من إعداد:

هيثم عدلي عبده

من إعداد:

Mohamed Botshe

من إعداد:

Eman El Emam

من إعداد:

سيد محمد عبيد

من إعداد:

Ahmed Hesham

من إعداد:

محمد شعبان

من إعداد:

mahmoudkamal

من إعداد:

Hala mohammed mohammed

من إعداد:

Osama Ibrahim

من إعداد:

elsayed ali

من إعداد:

Ahmed Ehab

من إعداد:

آلاء محسن

من إعداد:

Omar Ragab

من إعداد:

محمد الفقي

من إعداد:

maha elkheshin

من إعداد:

Rexona Egypt

التعليقات

شركاء النجاح

جوائز عديدة ودعم وتقدير من أفضل المؤسسات العالمية في مجال التعليم وعالم الأعمال والتأثير الإجتماعي

حمل تطبيق نفهم وتصفح أسرع