من إعداد : ال مساهم

Muhammad Ali Khalaf تابع

تدوين الملاحظات كأداة للتعلم من أكتر الشكاوى اللي كنت بعاني منها أثناء دروسي في ثانوي و محاضراتي في جامعة هي (أفهم ولا اكتب) ؟! في البداية كنت بكتب ملاحظاتي و الشرح اول باول ورا الاستاذ .. بس للأسف كنت بكده بفوت كتير من الشرح لأني ببقي مشغول بالكتابة أكتر .. لكن بعد كده بقيت بركز في كلام الاستاذ و افهم كويس و اما اروح البيت كنت بكتب اللي فهمته .. للأسف برضه فشلت بالطريقة دي لأني كنت بنسي أجزاء من الشرح .. قعدت افكر كتير و ادور عن طريقة احل بيها المشكلة دي .. اللي تعتبر احدي معوقات التعلم بالنسبة ليا ع الاقل .. لحد اما ربنا هداني لموضوع فيه نصايح طلاب من كل أنحاء العالم عن المشكلة دي و ازاي واجهوها .. و إليكم بعض هذه النصائح و الحلول : 1. اسبق بخطوة بمعني إنك متكونش هتسمع موضوع جديد لأول مرة و أنت معندكش عنه فكرة ، حاول قبل ما تروح حصتك أو المحاضرة إنك تكون خلفية عنه تبقى رايح فاهم جزء و لو صغير منه .. علي الاقل و اضعف الايمان تبقي عارف الاستاذ هيتكلم في ايه .. 2. حدد الفكرة لازم تحدد الفكرة الأساسية في موضوع الحصة و تطلع منها الافكار و العناصر الفرعية .. ده هيرتب دماغك و يخليك فايق طول مدة الدرس .. 3. اسأل من خلال اطلاعك على الموضوع قبلها هتلاقي نفسك محتاج تسأل عن كذا حاجة جمع اسئلتك في ورقة و اسأل المحاضر فيها في الحصة .. ده هيخليك في كامل انتباهك عشان تقدر تخرج بإجابات لأسئلتك .. 4. دون ملاحظاتك طبعا مش هتلحق تكتب كل حرف في الحصة او المحاضرة .. بالتالي لازم يكون لك طريقة ثابتة توفر عليك وقت و تخليك تاخد الملاحظات اللي محتاجها بشكل كامل و مجهود قليل و بسرعة .. شايفك يا اللي بتتفرج عليا الوقتي و بتسأل : طيب ادون الملاحظات ازاي برضه مقولتليش .. حاضر يا عم اصبر عليا هقولك اهه .. بص يا سيدي.. من أكتر الطرق الفعالة و المهمة لتدوين الملاحظات بشكل منظم و ممنهج و اللي معظم المختصين بينصحوا طلابهم بيها هي : طريقة كورنيل لتدوين الملاحظات صاحب الطريقة دي هو Walter pauk الطريقة دي بتعتمد على انك تقسم الصفحة إلى 5 أقسام (يمين او يسار) علي حسب لغة الكتابة .. زي ما احنا شايفين : عنوان الموضوع التاريخ كتابة الملاحظات الأفكار الرئيسية والاسئلة التلخيص.

:ملخص للدرس من اعداد Muhammad Ali Khalaf

طرق أخرى لشرح الموضوع

من إعداد:

Nafham Team - Admin

من إعداد:

إبراهيم فاروق

من إعداد:

Mohamed Botshe

من إعداد:

هيثم

من إعداد:

Eman El Emam

من إعداد:

هيثم عدلي عبده

من إعداد:

Marwa Kamal

من إعداد:

Islam Taha

من إعداد:

Ahmed Hesham

من إعداد:

محمد الفقي

من إعداد:

mahmoudkamal

من إعداد:

Hala mohammed mohammed

من إعداد:

سيد محمد عبيد

من إعداد:

محمد شعبان

من إعداد:

Osama Ibrahim

من إعداد:

Ahmed Ehab

من إعداد:

elsayed ali

من إعداد:

eng-mohamed mostafa

من إعداد:

maha elkheshin

التعليقات

شركاء النجاح

جوائز عديدة ودعم وتقدير من أفضل المؤسسات العالمية في مجال التعليم وعالم الأعمال والتأثير الإجتماعي

حمل تطبيق نفهم وتصفح أسرع