من إعداد : ال مساهم

آلاء محسن تابع

المخ والعقل البشري يا تري ازاي بتقدر تفتكر الطريق لبيت صاحبك؟ و ليه عنيك بتبربش حتى من غير ما تفكر؟ و منين بتيجي أحلامنا اللي بنحلمها كل يوم بليل؟ كل الحاجات دي و غيرها، كلمة السر فيها هي مخك مخك هو البيج بوص لجسمك كله هو المسئول عن التحكم في كل حاجة بتعملها سواء إراديا أو لا إراديا ، حتى و أنت نايم المخ زي وحدة التحكم في الكمبيوتر هو المسئول عن كل الوظايف والأوامر الكمبيوتر بيتكون من وحدة تحكم و شاشة و ماوس و كيبورد و سماعات وحاجات تانية كتير بس مش هينفع يتشغل إلا لو كانت الأجزاء دي كلها متوصلة بوحدة التحكم عن طريق الأسلاك الأسلاك في أجسامنا هي الأعصاب اللي بتوصل المخ بباقي أجزاء الجسم فكر في أول مرة جيت تركب فيها عجلة : مخك كان بيفكر في ازاي هتطلع على العجلة ، ازاي هتبدل، ازاي هتبص ع الطريق في نفس الوقت، و ازاي هتحفظ توازنك، هتخبط في حاجة ولا لا ؟ كل دا في نفس الوقت طبعا حاجة صعبة لمخك! لكن في النهاية لما اتعلمت كانت أعصابك في كل مرة بتبعت إشارات و تستقبل لحد ما اتعودت ،و بقيت تسوق العجلة من غير ما تفكر ، و دا لأن اتكون في مخك الطريقة أو الوصفة ، لحد ما بئا ثابت في مخك (ركوب العجلة) كأنك عملت لملف الword اللي كتبته حفظ ،و دا بينطبق على كل الحاجات اللي بنتعلمها و اللي بالممارسة بتثبت في مخنا و بتكون زيها زي أي روتين يومي بنعمله من غير ما نفكر و دا اللي بنسميه العقل البشري عقلك باختصار هو نتيجة النشاطات اللي بيعملها المخ و مجموعة الخبرات و الأفكار اللي بتمر بيها وبالتالي انت عندك مليارات الخلايا العصبية حوالي 100 مليار ، وكل خلية بتعمل آلاف الوصلات مع المخ من 5 آلاف ل 40 ألف وصلة وكل وصلة من دول ممكن تبقى مسئولة عن إحساس ، حركة ، فكرة ، أو حتى تخزين ذكرى (زي وصلات الكمبيوتر اللي ممكن تتوصل بالماوس و الكيبورد زي ما قولنا) و كل مرة بنتعلم حاجة مختلفة او نكتسب خبرة جديدة كل ما بنشغل الوصلات دي و نقويها عشان تكون في عقلك كأنك حفرتها و خزنتها زي ما اتعلمت (ركوب العجلة) أو حاجة تانية جديدة كل الخلايا العصبية دي تحت إرادتك تقدر تغذيها بالعلم و الأفكار و الخبرات ، أنت عندك قدرة لا متناهية للتعلم و التغيير و إنك تطور من نفسك و مهاراتك و سلوكك بشكل مستمر. دورك بس إنك تستغلها ، اتعلم ! تعلم كيف تتعلم

:ملخص للدرس من اعداد آلاء محسن

طرق أخرى لشرح الدرس

من إعداد:

إبراهيم فاروق

من إعداد:

Muhammad Ali Khalaf

من إعداد:

هيثم

من إعداد:

هيثم عدلي عبده

من إعداد:

Mohamed Botshe

من إعداد:

Eman El Emam

من إعداد:

سيد محمد عبيد

من إعداد:

Ahmed Hesham

من إعداد:

Islam Taha

من إعداد:

محمد شعبان

من إعداد:

mahmoudkamal

من إعداد:

Hala mohammed mohammed

من إعداد:

Osama Ibrahim

من إعداد:

elsayed ali

من إعداد:

Ahmed Ehab

من إعداد:

Omar Ragab

من إعداد:

محمد الفقي

من إعداد:

maha elkheshin

من إعداد:

Nafham Team - Admin

التعليقات

شركاء النجاح

جوائز عديدة ودعم وتقدير من أفضل المؤسسات العالمية في مجال التعليم وعالم الأعمال والتأثير الإجتماعي

حمل تطبيق نفهم وتصفح أسرع