من إعداد : ال مساهم

Muhammad Ali Khalaf تابع

أساليب التعلم الفعال عشان تتعلم حاجة جديدة مفيش وصفة سحرية كل الناس تقدر تطبقها في كل العلوم و تنجح بيها و دا نظرا لاختلاف الفروق الفردية من شخص للتاني و اختلاف طبيعة كل علم و طريقة تعلمه لكن فيه أساليب و أنماط ثابتة نقدر نطبقها عشان يكون التعلم فعال و دا هيخليك تحقق أقصى استفادة في الوقت اللي بتتعلم فيه و كمان تقدر تحتفظ باللي اتعلمته و تستفيد منه لفترة طويلة جدا مش مجرد بس امتحان و انتهى التعلم الفعال هو أسلوب للتعلم بيكون دورك فيه أكتر من مجرد متلقي و مستمع جيد للمعلومات و يخليك تتفاعل و تشارك أكتر في العملية التعليمية. مجموعات التعلّم التعاوني فكر– ناقش – شارك حاول انك تتعاون مع مجموعة من زمايلك اللي بيدرسوا معاك نفس المادة العلمية .. تتفقوا انكم تتناقشوا و تذاكروا سوا .. فكل واحد بيشرح جزء معين من الدرس بطريقة مختلفة عن الباقيين .. بالتالي بتستفيد بافكار بعض الجديدة و المختلفة. غير ان جو المشاركة هيشجعك علي المذاكرة و التفكير بشكل أفضل. الفيديوهات الفيديوهات من أكتر الحاجات اللي بتشدنا لاكتساب معرفة جديدة بالذات لو درامية .. قصة الانجليزي مثلا لو شوفتها في صورة فيلم أكيد مش هتنساها .. كذلك الفيديوهات اللي بتشرح الأحياء أو تركيب جسم الانسان .. أكيد المعلومات هتعلق في عقلك مدة أطول و بشكل احسن. الألعاب من أكتر الطرق الممتعة و الفعالة في عملية التعلم. مين فينا بيحب يلعب !! أكيد كلنا. تقدرتحول العملية التعليمية للعبة زي تحويل المحتوى العلمي لمسرحية أو قصة يمثلها المتعلمين ، أو التعلم بالرسم .. إلخ. الربط و النظام في عملية التعلم: تخيل لو دخلت المكتبة و لقيت كل الكتب ملخبطة على بعضها و أنت بدور على كتاب معين هتلاقي صعوبة كبيرة جدا بل بالعكس كمان ممكن الاقي كتاب غير اللي كنت عايزه و يشدني و انسى كنت جاي ليه لكن لو المكتبة منظمة لأقسام و كل قسم فيه الكتب المتعلقة بيه و كل مجموعة كتب مرتبطة بنفس الموضوع متجمعة في نفس الرف هقدر أوصل بسرعة و بسهولة للكتاب اللي عايزه بالظبط زي أي حاجة بنتعلمها لو قدرنا نربط كل المعلومات المتصلة ببعضها و نتعلمها و نذاكرها كوحدة متصلة و نربط أجزاءها ببعضها هنقدر نفهم الموضوع كله و نوصل للمعلومة اللي عايزينها بطريقة سهلة و سريعة. المراجعة و القدرة علي استدعاء المعلومة الفهم والحفظ أساسي في عملية التعلم ، الفهم هو أساس استيعاب المعلومات لكن لازم اخزن المعلومات دي واحفظها بشكل كويس عشان اقدر استرجعها ، زي مثلا في الرياضيات أنا محتاج افهم القانون و تطبيقاته و استخدامه لكن في نفس الوقت محتاج احفظه عشان اقدر اطبقه و محتاج اعرف تطبيقاته عشان اقدر احدد امته بالضبط هستخدمه! اسئلة يضعها المتعلم حاول انك تذاكر بشكل سؤال و جواب .. يعني كل جزء او فقرة تخلصها اعمل منها اسئلة و حاول تراجعها بعد مذاكرتك ده هيسهل عليك استدعاء المعلومة وقت ما تحتاجها. طريقة الطماطم Pomodoro أول من استخدم الطريقة دي كان فرانسيسكو سيريلو Francesco Cirillo وسبب تسميتها بطريقة الطماطم إنه استخدم منبه على شكل طماطم الطريقة دي بتعتمد على التعامل مع المخ بالطريقة اللي تحافظ على انتباهه و تركيزه الكامل بشكل أطول و هي إنك تذاكر أو تتعلم على شكل pomodoro .. فترات يعني .. كل فقرة بتمثل 25 دقيقة + 5 دقايق راحة و بعد كل 4 فقرات تاخد ربع ساعة كاملة راحة تفتح فيها فيس او تلعب ... و مش مهم أبدا تركز على الكم لكن مهم الكيف ، متقولش هخلص 8 صفحات في 25 دقيقة لكن أهم حاجة إنك تكون مركز و منتبه بكامل حواسك في ال25 دقيقة للحاجة اللي بتتعلمها و عايش معاها. استخدام التشبيهات في عملية التعلم بدل ما تاخد المفاهيم على إنها مفاهيم مجردة بل نحاول نربطها بحاجات معينة ملموسة و محسوسة زي زمان و انت بتتعلم الجمع و الطرح كانوا بيعلموك الارقام علي شكل فاكهة. تدوين الملاحظات ودي بتشمل إن المتعلم يدون ملاحظاته فيما يتعلمه باستمرار سواء أثناء المحاضرات أو المناقشات و المناظرات و دي هنتكلم عنها في حلقة تانية قريب. الخريطة المفاهيمية أو الخريطة الذهنية وهي ازاي تقدر تربط كم كبير من المعلومات بروابط متصلة لتكون خريطة مجمعة و دي برضه هنشرحها بالتفصيل قريب. دعواتكم .. و شكراً ......

:ملخص للدرس من اعداد Muhammad Ali Khalaf

طرق أخرى لشرح الدرس

من إعداد:

Nafham Team - Admin

من إعداد:

إبراهيم فاروق

من إعداد:

Mohamed Botshe

من إعداد:

Eman El Emam

من إعداد:

هيثم

من إعداد:

هيثم عدلي عبده

من إعداد:

سيد محمد عبيد

من إعداد:

Islam Taha

من إعداد:

Marwa Kamal

من إعداد:

mahmoudkamal

من إعداد:

Ahmed Hesham

من إعداد:

Hala mohammed mohammed

من إعداد:

محمد شعبان

من إعداد:

Osama Ibrahim

من إعداد:

Abdŭllah Ĭsmail

من إعداد:

elsayed ali

من إعداد:

Ahmed Ehab

من إعداد:

محمد الفقي

من إعداد:

maha elkheshin

التعليقات

شركاء النجاح

جوائز عديدة ودعم وتقدير من أفضل المؤسسات العالمية في مجال التعليم وعالم الأعمال والتأثير الإجتماعي

حمل تطبيق نفهم وتصفح أسرع