من إعداد : ال طالب

mahmoudkamal تابع

بعد ما اتكلمنا في الفيديو اللى فات عن احدى طرق التعلم الفعال وهى الذاكرة البصرية وشوفنا تأثيرها .. هنتكلم انهارده عن طريقة تانية لتدوين الملاحظات واللى اكيد هتساعدنا في عملية التعلم . مفيش حد مابينساش , انت ممكن تكون ذاكرتك قوية بس برضو اكيد بتنسى حاجات لان في معلومات وذكريات بتخش وفى معلومات وحاجات بتتنسى وهكذا .. عشان كده علماء النفس وأطباء الذاكرة نصحو بكتابة الملاحظات دايماً لانها بتساهم بشكل كبير في تطوير الشخصية والمهارات الحياتية والعملية الدراسية . ومن فوائد تدوين الملاحظات : 1- بتخليك تفهم المعلومة بصورة صحيحة لان ببساطة انت هتقوم بتلخيصها في صورة ملاحظة قصيرة , ومفيش حد يقدر يلخص المعلومات الطويلة الا لو كان فاهم المعلومة دى كويس . وفى مرة قال الكاتب الامريكى مارك توين : " اعتذر لك عن خطابى الطويل , فانا لا املك الوقت الكافى لكى اكتب لك خطاباً قصيراً" . وده معناه ان الكتابة القصيرة زى الملاحظات كده بتحتاج تركيز وفهم اكتر للمعلومة . 2- تانى حاجة : بتخليك تركز اثناء المحاضرات عن طريق انها بتنظم المعلومات اللى بتبدء تدخل عقلك في شكل ملاحظات . 3- بتساعدك في استرجاع المعلومات . طيب بعد ما عرفنا شوية فوائد لعملية تدوين الملاحظات نيجى ل احدى الطرق المعروفة في تدوين الملاحظات وهى طريقة Cornell . اية هي طريقة ِCornell دى ؟ هي طريقة لتدوين الملاحظات وصاحبها هو walter pauk واللى كان بروفيسور في جامعة Cornell الامريكية .. في خمسينيات القرن الماضى .. أية هي بقى الطريقة دى ؟؟ هي ببساطة كده انك بتقسم ورقة تدوين الملاحظات لخمس أقسام . القسم الأول وهو المربع اللى فوق ع الشمال ده وهو اللى هتسجل فيه التاريخ والجزء التانى او المتسطيل اللى جنبه هو اللى هتكتب فيه عنوان الموضوع او المحاضرة او الفيديو وبعدين في القسم اللى تحت مربع التاريخ هيكون ل العناوين او الأسئلة , والجزء اللى جنبه اللى هو تحت العنوان ده اللى هو الجزء الرئيسى وده هو اللى هتدون فيه الملاحظات . وتحت خالص في جزء لتلخيص الملاحظات كلها . يبقى كده انا في الأول اكتب التاريخ والعنوان وبعدين انزل اكتب الملاحظات وبعد ماخلص ابدء اكتب قدام كل ملاحظة عنوان ليها او سؤال عليها وبعد ما اخلص بلخص الكلام ده كله في قسم التلخيص.

:ملخص للدرس من اعداد mahmoudkamal

طرق أخرى لشرح الدرس

من إعداد:

Rexona Egypt

من إعداد:

إبراهيم فاروق

من إعداد:

Muhammad Ali Khalaf

من إعداد:

Mohamed Botshe

من إعداد:

هيثم

من إعداد:

Eman El Emam

من إعداد:

هيثم عدلي عبده

من إعداد:

Marwa Kamal

من إعداد:

Islam Taha

من إعداد:

Ahmed Hesham

من إعداد:

محمد الفقي

من إعداد:

Hala mohammed mohammed

من إعداد:

سيد محمد عبيد

من إعداد:

محمد شعبان

من إعداد:

Osama Ibrahim

من إعداد:

Ahmed Ehab

من إعداد:

elsayed ali

من إعداد:

eng-mohamed mostafa

من إعداد:

maha elkheshin

التعليقات

شركاء النجاح

جوائز عديدة ودعم وتقدير من أفضل المؤسسات العالمية في مجال التعليم وعالم الأعمال والتأثير الإجتماعي

حمل تطبيق نفهم وتصفح أسرع