كتير بنزهق او بنتعب وبتقابلنا مشاكل كتير واحنا بنتعلم اى حاجه جديدة , اية هيا المشاكل دى بالظبط واية أسبابها ؟ وازاى نحلها ؟ ده اللى هنعرفه في الفيديو ده ان شاء الله .. اول حاجة بتعوق عملية التعلم هي "التعلم الخادع" اية هو ده بقى ؟ هو انى اقنع نفسى انى اتعلمت الحاجة خلاص وتمام وانا أصلا متعلمتهاش كويس او لسه مفهمتش الفكرة بشكل كامل زى مثلاً انى ذاكرت فصل في الفيزيا وسمعت لنفسى وتمام وخلاص كده واقنعت نفسى انى بقيت زى الفل في الفصل ده واقلب على اللى بعده واللى بعده وهكذا ... واجى الاقى نتايج مش كويسة في الأخر .. طيب ازاى اقدر اتغلب علي حاجة زى دى ؟ ازاى نقدر نعرف احنا اتعلمنا الحاجة اللى بنتعلمها دى ولا لا ؟ او نتاكد اننا اتعلمناها .. ده ممكن يتحل باننا نبعد عنها او نقفل الكتاب اللى ذاكرناه ده ونجيب ورقة فاضية ونبدء نشرح الموضوع من اوله لاخره .. او نشرح الفكرة اللى اتعلمناها لواحدة تانى ونشوفه فهم ولا لا .. لو في جزء هو مفهمهوش كويس يبقى انا معرفتش اوصله كويس نتيجة لان في حاجه نقصانى في الحته دى ..فارجع اكملها .. وهكذا .. حل تانى برضو انى ابدء احل واطبق على الحاجة اللى انا اتعلمتها .. زى مثلا انى احل مسائل رياضيات او فيزيا .. وخلى بالك اى مسئلة بتحلها فانت كده بتقوى الconnections اللى بين الخلايا العصبية زى ما ذكرنا في فيديو المخ والعقل البشرى .. ا نيجى لمشكلة تانية وهى التسويف او التاجيل ... واللى بتيجى بسبب الكلام الكتير انى هعمل كذا وكذا .. فاببدء انشط مراكز الألم اللى في المخ .. ويبدء تترجم الحاجة اللى هعملها على انها حاجة مؤلمة او صعبة .. فامعملهاش .. طيب أية حل المشكلة دى ؟؟ .. حل المشكلة دى ببساطة انى متكلمش كتير عن الحاجة اللى هعملها او ااحاول اكلم نفسى بشكل احسن يعنى مثلا أقول انى هذاكر ساعة واحدة وبعدين هستريح .. او هذاكر 30 دقيقة وبعدين هقوم اكل ا واشرب او حتى العب .. مهما كانت الكمية اللى هذاكرها بس أكون محدد زمن معين .. بحيث اخلى مخى يترجم الحاجة اللى هعملها على أساس انها حاجه سهلة مش صعبة .. فا عامل مخك كانو طفل صغير بالظبط ..

:ملخص للدرس من اعداد mahmoudkamal